Hərbi büdcəmizdə 21%-lik artım: Azərbaycan müharibəyə hazırlaşır?


Tofiq Zülfüqarov: “Gələcəkdə müdafiəyə bundan da çox vəsait ayrılacaq, çünki...”
“Düşmən danışıqlar yolu ilə torpaqları azad etmək niyyətində deyil”



Azərbaycan gələn il üçün müdafiə xərclərini 21% artırıb.

 

Maraqlıdır, Ermənistanla aparılan diplomatik danışıqların uzun zamandır ki, nəticəsiz qaldığı, rəsmi İrəvanın öz işğalçılıq siyasətindən imtina etməyəcəyi ilə bağlı bəyanatlar verdiyi bir zamanda gerçəkləşdirilən bu artım nədən xəbər verir? Bu, rəsmi Bakının müharibə hazırlığı yolunda atdığı addım kimi dəyərləndirilə bilərmi?

 

Moderator.az-a açıqlama verən sabiq XİN rəhbəri Tofiq Zülfüqarov, gələcəkdə müdafiə xərclərinin daha da artırılmasını istisna etmədiyini vurğuladı:

 

“Mən deməzdim ki, biz bunları hərbi əməliyaytlarla əlaqələndirməliyik. Lakin bu da aydındır ki, bizim əsas məqsədimiz ərazi bütövlüyümüzü və suverenliyimizi bərpa etməkdir. Bu məsələdə ermənilərin atacağı addımlardan da çox şey asılı olacaq. Bəllidir ki, onlar danışıqlar yolu ilə torpaqları azad etmək niyyətində deyillər. Əgər onlar bundan sonra da bu mövqedə qalsalar, deməli, müharibə qaçılmazdır.

 

Bunu nəzərə alaraq, Azərbaycan hökuməti bu addımları atır və gələcəkdə də atacaq. Güman edirəm ki, gələcəkdə müdafiəyə bundan da çox vəsait ayrılacaq”.

шаблоны для dle 11.2
Tarix: 7-11-2019, 21:47




Xəbər lenti