“Sputnik Ermənistan” saxta xəbərlərdən əl çəkmir - Hələ “etibarlı” mənbəyə baxın


“Sputnik Ermənistan” saxta xəbərlərdən əl çəkmir -     Hələ “etibarlı” mənbəyə baxın
“Artıq məlumatlarını və xəbərlərini paylaşmayacağıq. “WarGonzo” layihəsi “fake news”-dur. Yazılar silindi. Üzr istəyirik!”
 
44 günlük müharibənin gedişatını işıqlandıran Ermənistan Müdafiə Nazirliyinin keçmiş nümayəndəsi Artsrun Ovannisyan indi ABŞ-da gizlənərkən, informasiya müharibəsinin başqa bir dərəcədə biabırçı təbliğatçısı Semyon Peqov “Sputnik Ermənistan” radiosunun efirində ürəyini boşaltmaqda davam edir.
 
Ümumiyyətlə, Peqovun açıqlamaları daha çox Ermənistan ordusunun keçən payızda Qarabağdakı hərbi əməliyyatlarının gedişi barədə qəsdən yalan məlumatlar yaymağa haqq azandırmaq üçün bəhanələrə bənzəyir. Bu baxımdan Peqovun müharibə günlərində yalnız ala bildiyi və başqa heç bir məlumat ötürmədiyi sözləri havanı boş yürə silkələməkdən başqa bir şey deyil.
 
Hər kəs Peqovun açıq yalan və dezinformasiya yaydığını çox yaxşı bilir. Bu bloger və “WarGonzo” layihəsinin müəllifi Rusiyanın erməni mənşəli mediamaqnat Aram Qabrelyanov üçün çalışır, Qarabağdakı döyüş əməliyyatları zamanı saxta və təxribat xarakterli məlumatlar yayırdı. Əsas vəzifəsi Ermənistan ordusunun “uğurlarını” şişirtmək idi. Peqovun fəaliyyəti sayəsində erməni ictimaiyyəti Azərbaycan Ordusunun Hadrutu və hətta Şuşanı azad etmədiyinə inanırdı.
 
Peqov, həmçinin Azərbaycan Ordusunun Ermənistan-İran sərhədində Rusiya sərhədçilərinə minaatanlardan atəş açması barədə yalan məlumatlar yaydı. Bu məlumat sonra, Peqova istinad edilərək, bəzi Rusiya mətbuatı tərəfindən təkrarlandı. Daha sonra rəsmi qurumlar bu məlumatı təkzib etdi.
 
Peqovun açıq şəkildə qərəzli, qeyri-peşəkarlığı və arzuolunanı reallıq kimi qələmə vermək niyyətini nümayiş etdirməsinə baxmayaraq, bu təxribatçı ilə müsahibə verməkdən çəkinməyən xəbər agentlikləri var. Bu vəziyyətdə “Sputnik Ermənistan”a növbəti müsahibə bu qaydanın təsdiqidir.
 
Artıq 44 günlük müharibə zamanı bir çox oxucu onun Azərbaycan ordusunun Hadrut qəsəbəsini azad etmədiyi barədə saxta məlumat yaydığının şahidi oldu. Peqov Beynəlxalq Qırmızı Xaç Komitəsinin emblemi olan bir avtomobildən istifadə edərək, erməni hərbçiləri ilə birlikdə Hadrutun ətrafında gəzdi. Eyni zamanda, Hadrutun hələ də Ermənistan ordusu tərəfindən idarə olunduğunu “sübut” olaraq videoya çəkdi.
 
İndi isə “Sputnik Ermənistan” radiosuna verdiyi müsahibədə Peqov bir daha təkrarlayır ki, “Hadrut erməni şəhəridir, Azərbaycan Prezidenti Bakının nəzarətinə keçdiyini elan edərkən, bu yaşayış məntəqəsi həqiqətən ermənilərin əlində idi”.
 
Burada Peqova xatırlatmaq yerinə düşər ki, çoxsaylı səhvlərindən sonra Rusiyanın sosial şəbəkəsi “Vkontakte”-də 40 min nəfərlik auditoriya ilə hərbi materialları müzakirə etmək üçün yaradılan “Lik Voynı” qrupu “WarGonzo layihəsindən məlumat - Rusiya Federasiyasının sərhəd zastavalarının atəşə tutulması və Ermənistan Hərbi Hava Qüvvələrinin vurulan təyyarələri barədə dedikləri heç bir etibarlı mənbə tərəfindən təsdiqlənmədi.
 
“Artıq məlumatlarını və xəbərlərini paylaşmayacağıq. “WarGonzo” layihəsi “fake news”-dur. Yazılar silindi. Üzr istəyirik!”, - deyə xəbərdə bildirilir.
 
Ancaq yalançı təbliğatçı Pegov haqqında belə bir şərh, onun ifşalarına istinad edən “Sputnik Ermənistan” nəşrini müsahibə almaq həvəsindən salmır: “Məni bir yerdə məni yalan danışmaqda günahlandırmağa hazır olan insanlarla görüşmək istəyirəm. İşim gördüklərimi göstərmək, eşitmək, anlamaq və müşahidə etməkdir. Orada olmayan insanlardan əsassız səslənən ittihamlarla qətiyyən heç bir əlaqəm yoxdur. Bunlar divan ordularıdır, istədiklərini söyləyə bilərlər”.
 
Burada heç bir şərhə ehtiyac yoxdur. Açıq yalanları həqiqət kimi yayımlamaq, bu günlərdə əsas ruporu “Sputnik Ermənistan” agentliyi olan erməni təbliğatının fəaliyyət prinsipidir. Və bu nəşr Peqovun bəhanələrini yayaraq, özünə və ona ayı xidməti etmiş olur. Peqov özünü ifşa etdi. Senekanın dediyi kimi: zaman həqiqəti ortaya qoyur...
Tarix: 10-05-2021, 12:29




Xəbər lenti