Təmir olunacaq məktəblər niyə gizlədilir? - 42 milyon manat....
Elm və Təhsil Nazirliyi "respublikanın bir sıra təhsil müəssisələri"ndə təmir işlərinə başlayıb. Lakin hansısa səbəblərdən nazirlik israrla təmir işləri aparılan və ya aparılacaq "bir sıra təhsil müəssisələri"nin adını açıqlamır.
Siam-az.com xəbər verir ki, "Qaynarinfo"nun dövlət satınalmalarının vahid internet portalı üzərindən apardığı araşdırma zamanı məlum olub ki, Elm və Təhsil Nazirliyinin Təsərrüfat Hesablı Tikinti və Təchizat İdarəsi cari ilin fevralından yuxarıda qeyd etdiyimi satınalma predmeti üzrə tenderlərə start verib və indiyədək 13 satınalma müsabiqəsi keçirilib.
Artıq 8 tender üzrə satınalma müqavilələri imzalanıb. Müqavilələr aşağıdakı şirkətlərlə imzalanıb:
Satınalma müqavilələrinin ümumi maliyyə dəyəri 25 425 740,58 manat təşkil edir. Yerdə qalan 5 tender üzrə qaliblər müəyyənləşsə də, hələ ki, satınalma müqavilələri bağlanmayıb.
Qalib şirkətləri və onların qiymət təkliflərini təqdim edirik:
Beləliklə, aydın olur ki, Elm Təhsil Nazirliyi "bir sıra təhsil müəssisələri"nin təmiri ilə əlaqədar ümumi xərci 17 650 230, 64 manat olacaq. Həmçinin görünən odur ki, tenderlərdə əsasən eyni şirkətlər qalib gəlir.
Təmir ediləcək təhsil müəssisələrinin adlarının açıqlanması, müsabiqələrdə eyni şirkətlərin qalib gəlməsi keçirilən tenderlərin şəffaflığı ilə bağlı müəyyən şübhələrə yol açır.