32gun.az bu dəfə sabiq deputat Mahir Abbaszadənin direktoru olduğu Məcburi Köçkünlərin Sosial İnkişaf Fondunun 2025-ci il ərzində bağladığı tenderləri araşdırıb. Fondun satınalmaları həm məbləğinə, həm də qalib şirkətlərin strukturlarına görə ciddi suallar doğurur. Aşağıda bu il ərzində bağlanmış bütün tenderlər və onların detallarını təqdim edirik.

İlk tender – 06.03.2025

Fondun cari ildə ilk satınalması fiziki şəxs Elçin Akif oğlu İsmayılovdan yağ və sürtkü materiallarının alınması olub.
Məbləğ: 8.322 AZN

1,8 milyonluq “təbliğat-izahat” paketi – MƏİŞƏT İST MMC

“Məişət İst” MMC ilə iki dəfə müqavilə bağlanıb:
“Məcburi köçkünlərin yeni salınmış yaşayış məntəqələrinə qayıdışı üçün məlumatlandırma, təbliğat-izahat və təşviqat işləri” – 1.802.590,42 AZN
Eyni məzmunlu digər müqavilə – 1.747.611,98 AZN
Şirkətin nizamnamə kapitalı: 6 manat
Qanuni təmsilçi: Nicat Cəfərov İzahat oğlu

 

Lift servisi – AG MELCO Elevator Azerbaijan

Fondun ofisindəki lift üçün servis xidməti
Məbləğ: 1.416 AZN

Təşviqat materiallarının nəşri – A.R-2018 MMC

Məcburi köçkünlərin geri qayıdışı ilə bağlı materialların nəşri
Məbləğ: 76.968 AZN
Nizamnamə kapitalı: 20 manat
Təmsilçi: Türkanə Rüstəmova Şahin qızı

 

İcma və reinteqrasiya layihələri – 2,7 milyonluq müqavilə

Azərbaycan İcma İnkişafı üzrə Araşdırmalar Təlim və Resurs Mərkəzi ilə bağlanıb
Məbləğ: 2.788.476,98 AZN

 

Şükürbəyli kəndində söküntü işləri – TURAN.İ.O MMC

Cəbrayıl rayonunda söküntü işləri
Məbləğ: 124.422,47 AZN
Nizamnamə kapitalı: 10 manat
Təmsilçi: Orxan Sadıxov Sultan oğlu

 

İlin ən böyük tenderi – AMAZONE MMC

Kəlbəcərin Zar kənd yaşayış məntəqəsinin (547 ev, sosial obyektlər, kommunikasiya və abadlıq) tikintisi
Məbləğ: 120.628.652,59 AZN
Nizamnamə kapitalı: 100 manat
Təmsilçi: Əbülfət Şükürov Tapdıq oğlu

 

Laçında hidravlik işlər – Azin Construction MMC

Laçın rayonunun Bəylik kəndində yağış sularının idarə olunması üzrə layihə
Məbləğ: 29.995,6 AZN

 

Xocalıda layihələndirmə – Bakı Dövlət Layihə İnstitutu

Mühəndis kommunikasiyaları və 37 evin təmir-bərpasının layihəsi
Məbləğ: 650.000 AZN

 

Benzin təchizatı – SOCAR Petroleum

Aİ-95 yanacağı
Məbləğ: 17.600 AZN

 

Mobil rabitə – Azercell

Rabitə xidmətləri
Məbləğ: 3.606 AZN

 

Avadanlıq və ləvazimatlar – PRINTONER MMC

Avadanlıqların təmiri və ehtiyat hissələri – 4.889,5 AZN
Dəftərxana və təsərrüfat malları – 4.899,25 AZN

 

Reinteqrasiya üçün avadanlıq – ALIZADEH GROUP MMC

İcmalar üçün avadanlıqların təminatı
Məbləğ: 707.746,9 AZN
Nizamnamə kapitalı: 10 manat
Təmsilçi: Əli Əlizadə Rasim oğlu

"LEQO GROUP" MMC

Reinteqrasiya layihəsi çərçivəsində icmalar üçün avadanlıqlar
Məbləğ: 1.098.500,35 AZN
Nizamnamə kapitalı: 1000 manat
Təmsilçi: Mehman Oruclov Anar oğlu
Mahir Abbaszadənin rəhbərlik etdiyi Fond 2025-ci ildə təxminən 130 milyon manatlıq tender müqaviləsi bağlayıb.
NƏZƏRƏ ÇARPAN XÜSUSİYYƏTLƏR
Milionluq tenderlərin mühüm hissəsi nizamnamə kapitalı 6, 10, 20 və 100 manat olan MMC-lərə verilib. Eyni şirkət – “Məişət İst” MMC – bir il ərzində 3,5 milyon manat dəyərində iki müqavilə alıb. İlin ən böyük tenderi – 120,6 milyon manatlıq Zar kəndinin tikintisi – cəmi 100 manat kapitalı olan MMC-yə həvalə edilib. Tenderlərin böyük qisminin mövzusu “təbliğat”, “təshviqat”, “reinteqrasiya”, “nəşr”, “icma fəaliyyəti” kimi ölçülməsi çətin xidmətlərdir.
NƏTİCƏ bunu göstərir ki...
Təhlil göstərir ki, Fondun satınalmalarının strukturu, məbləği və qalib şirkətlərin maliyyə göstəriciləri şəffaflıq baxımından suallar yaradır. Xüsusilə milyonlarla manatlıq layihələrin çox aşağı kapitala malik MMC-lərə verilməsi araşdırmaya ehtiyac olduğunu göstərir.
Xatırladaq  ki,  2021-ci ildə sosial şəbəkələrdə çəkiliş üçün Laçına gedən bir qrup rəsmi şəxsin və deputat Mahir Abbaszadənin də Laçında Humay Hümbətov adlı şəxsin xatirəsinə salınmış bulaq başında kef məclisi qurması xeyli müzakirələrə səbəb olmuşdu.

Bundan əlavə eks deputatın adına olan əmlaklarla bağlı internetdə kifayət qədər məqalələr geniş yer alıb. Həmçinin Mahir Abbaszadənin Laçında qayınatasının həyətində tikdirdiyi vilanın video görüntüləri yayılmışdı.
Ayaz Musaköylü 

---

---